कहाँ राख्यौ

कहाँ राख्यौ जोगाएर मेरो चोखो मायालाई
छामीहेर्छु छातीभित्र अझै तिम्रो छाँयालाई ।

बादलपारी गयौ तिमी एक्लै मलाई यहाँ छाडी
लत्याएर मेरो संसार मुटुभित्र काँडा गाढी
अझै पनि म रोईरहेछु सम्झी तिम्रै मायालाई
छामीहेर्छु छातीभित्र अझै तिम्रो छाँयालाई ।

यसैगरी आँशुसंगै नाता जोडी बाँचु कति
मुटुभित्र पिंडा लुकाई बाहिर म हासुँ कति
कैले सम्म रुनु मैले सम्झी तिम्रै मायालाई
छामीहेर्छु छातीभित्र अझै तिम्रो छाँयालाई ।